Fakta om Golv.fo / Golvtænastan

golv.fo / Gólvtænastan er eyðvita einasti handil við trægólvum sum serøki. Vit selja bara trægólv og hava vit lagt okkum eftir serligum uppgávum. Eitt nú arbeiða vit nógv við massivum gólvum, sildabeinsparketti og eitt nú "højkantsparkett".Tó hava vit eisini vanligu lamineraðu plank og parkett gólvini. Tað sum vit kalla fyri svimjandi gólv.

"Gólv er ikki bara gólv" og vilja vit altíð vísa á at gólv eigur at verða møbilstykki. Vit skulu verða nøgd við gólvið og tí er ongin grund at spara tá avgerðin skal takast um hvat gólv skal brúkast. Sálin í rúminum liggur í gólvinum og saman við innbúgvi og litum skapar gólvið bestu vælverðuna.

Gólvtænastan hevur okkurt um 25 ár á baki. Baldvin Harðarsson byrjaði at slípa gólv stutt eftir hann kom til Føroya í seinnu helvt av áttatiárunum. Fyrst í hesi øldini fekk hann sær handil sum helt til í "ljótasta húsinum í Havn". Rasmussargøtu 4 í Hornabø.

Í juli 2007 fluttu vit inn saman við Kram og Beckers í snotuligu hølini hjá Thomas Dam heilsølu á Hálsi. Hetta hevur givið golv.fo eina heilt aðra eksponering og er sølan av gólvi økt í mun til arbeiðið vit gera.

1. arpríl 2008 seldi Baldvin sín part til Eivind Jacobsen á Strondum, sum eitt nú eigur Strandamáling, Litbúðina Beckers, Strok og Normek. Eisini var Eivind eitt tíðarskeið parteigari í Klaksvíkar Timburhandli.

Við samanleggingini av golv.fo og Beckers kunnu vit nú bjóða eina total loyst frá gólvi til loft, tá tað snýr seg um viðlíkahald og nýbygging. Samstundis er málameistarin Henning Sørensen partur av samtakinum soleiðis at vit nú bæði kunnu veita profesionella hjálp til gólv eins og máling.

Broytt 2. desember 2008